A XXVI Asemblea de Marea Pontevedra aproba a lista completa de Marea Pontevedra. O colectivo cidadá presenta un equipo contrastado para impulsar un cambio político desde o goberno do Concello de Pontevedra.

Despois de escoller por primarias aos dez primeiros postos da lista electoral, Marea Pontevedra aproba en asemblea a totalidade da oferta que presentará ás electoras e aos electores nas eleccións locais de maio. O equipo capitaneado por Luís Rei e Tere Casal, está perfectamente respaldado por voces experimentadas e por caras novas que aportan a ilusión e a frescura que demanda a cidadanía pontevedresa.

A lista electoral representa a unha multitude de sectores sociais e tamén é transversal en clave territorial. O obxectivo é gobernar para todas as persoas, por iso é totalmente necesario representar a totalidade do territorio do Concello de Pontevedra, a persoas de todas as idades, de todas as profesións e de todas as situacións sociais. Unha Pontevedra diversa merece tamén un goberno diverso.

Marea Pontevedra aspira a gobernar Pontevedra para poñer o concello, como institución máis próxima a cidadanía, ao servizo da xente. Se algo non vai faltar de aquí ata maio é ambición para mellorar a calidade de vida da veciñanza. Para logralo conta con tres avais fundamentais, o tándem que forman Luís Rei e Tere Casal, unha lista transversal e o traballo realizado neste mandato.

---

CANDIDATURA COMPLETA

1. Luís Rei Núñez. Escritor e xornalista.
2. Teresa Casal García. Avogada.
3. Manuel Xesús Fontán Bouzas. Enxeñeiro de Montes e funcionario municipal.
4. Carmen González Nóvoa. Orientadora. Coordinadora Xeral de Marea Pontevedra.
5. Jaime Acuña Torres. Politólogo. Lourizán.
6. Herminia Dios Poceiro. Psicológa e activista pola xustiza social.
7. Guillermo Casalderrey Rivas. Arquitecto. Veciño de Lérez.
8. Alicia Fernández Moldes. Técnica socio-sanitaria, veciña de Monte Porreiro.
9. Xosé Lois Vidal Laíño. Fundador e dirixente do movemento veciñal de Pontevedra.
10. María Luísa Lores Aguín. Radióloga. Da Plataforma pola Defensa da Sanidade Pública.
11. César Maquieira García. Activista pola accesibilidade universal.
12. María Teresa Narciso Otero. Pioneira na Policía Local de Pontevedra. Sindicalista.
13. David Carballal Vázquez. Axente comercial. Mollavao.
14. Helena Rodríguez García. Educación Vial. Verducido.
15. Alberto Argibay Pazos. Adestrador de fútbol e xestor deportivo.
16. Rosina Hermida Vidal. Activista pola defensa da xustiza social
17. Javier Pérez García. Activista contra a pobreza.
18. Paula Piay Carballo. Psicóloga. O Burgo.
19. Aitor Caneda Martínez. Enxeñeiro. Lérez.
20. Sara Valenzuela Viz. Ecoloxista. Profesora de ensino medio.
21. Anxo Corbillón Fernández. Economista e representante de Marea Pontevedra na Mesa do Comercio Local.
22. Cruz Villaverde Peón. De ‘Salvemos a Fracha’. Marcón.
23. José Antonio Ramírez Amor. De ‘Non aos Crematorios’.
24. Celia Abal Tilve. Praceira do Mercado Municipal de Pontevedra.
25. María del Carmen Moreira Martínez. Traballadora do Servizo Público de Emprego de Galicia. Concelleira de Marea Pontevedra.